تسلميلي يا لاريتا على هالموضوع الكتير حلو....
فعلا الانسان ما بيعرف شو قيمة بلده حتى يبعد عنها ويتغرب ....
وقت كنت بسوريا ما كنت فكر هيك ابدا ,,,يمكن الظروف اللي خلتني سافر كانت اقوى مني مشان هيك ما كنت شايفة كتير ايجابيات .,, كنت متل ما قلتي شايفة النص الفاضي من الكاسة.....
بس هلىء ااااااااااااه شو مشتاقة لسوريه ,,, لكل شي بسوريه لهواها لميتها لشجرها لناسها كل شي كل شي............
وجودي هون باميركا خلاني حس شو هي سوريه,, لاني هون يمكن كل اسبوع بلاقي شي مقال او موضوع بيحكي عن سوريه ورئيسها ,, لااسف الميديا هون مسيطر عليها من قبل ناس بيكرهوا سوريه واعداء لسوريه... كل مرة بشوف هيك مقال بزعل كتير وبقول ياريتني اقدر وصل للشعب الاميركي شو هي سوريا....
بيكفي انو راسنا لهلئ مرفوع و ما منرميها واطية لحدا مين ما كان يكون ,,, هاد اهم شي انا بتخيل.... انا كتير بقابل ناس بحكم شغلي وبسؤلوني انا من وين بحس حالي كتير مبسوطة اني قول انا سوريية .... وبحاول احكيلهون عن سوريه ,, عن طبيعتها عن الاشياء الحلوة فيها..عن احلى شعب موجود فيها... بحس اني بدي احكي واحكي بس حتى خليهون يغيروا نظرتهم بسوريه و ما يصدقوا كل شي وسائل الاعلام بتقولوا عنا....
اخر شي بحب قول انو الانسان بعد بلدوا ما في والله يرجعنا الها باقرب وقت...
لاريتا تقبلي مروري الطويل شوي
موضوع: سوريتي..حلواا يا بلدي 
