الكل يفوت لشوف

يعني انا مابعرف شو بدي احكي بس انا ماني شايفة اهتمام ابدا بهالمنتدى حتى من مشرفين ومعدودين الي عم يشاركو ليش انا مابعرف
بتمنى انو يكون في اهتمام شوي وخصوصا من ايهوم ومجودي بعتبارهون صحاب المنتدى لأنو اذا ضل الوضع هيك بتوقع حتى الي عم يشاركو حاليا رح يبطلو كمان يكتبو شي وياريت نرجع متل اول تحياتي للكل

شوفي انتي معك حق

بس انا واحد من الناس اللي عندي مشكلة كبيرة بسيرفر المنتدى

يعني الرد او الموضوع بدو اكتر من ساعة لينزل لهيك انا بتوقع انو اغلب الاعضاء

عندهم نفس المشكلة وانا بتمنى تنحل هل المشكلة


وبشكرك على اهتمامك بالمنتدى

بشكر مرورك رومانس بس مابتوقع هاد السبب الي يخلي الكل مايفوتو يعني انا كمان بيطول عندي بس مو لهدرجه
نورت صفحتي رومانس وانا كمان بشكر اهتمامك

يسلموووووو لمروركون انشيبا وتمامو
بس شو هيه الكلمة انشيبا انا مابعرفها
ولك تمامووو هاد مو عزر انو آعد كل الوئت بالروم فيك تترك الروم شوي وترد على شي موضوع نكتب وانا ماني من الي بيحبو يكترو مواضيع بس ردو على هالعالم الي عم تكتب موضوع وخصوصا اذا كان موضوع بدو نقاش بس اريضه اي آخده عئلكون الروم
وبشكركون مرة تانيه على اهتمامكون بس حركوووووووووووو حالكون شوي

ولله معك حق في هل شغلة انو اعضاء أو زوار ما يناقشو موضوع المنتدى وانت ياتمام الغالي الواحد فينا لما بيفوت على الروم وما بيكون فيها شي نقاش بيحط اشارة على اساس انو هو مالو هون او مشغول وهو بيكون بيرك ورا جهازو وعم يشرب شاي او قهوى او متة وئاعد عم يرقب الجو بس من شاف انو في حدا عم يحكي عليه بيرد عليه بسرعة يعني حركات مو علينا تمامووووو الغالي لا تهرب من الحقيقة وانا واحد من يلي هدول بحط على اساس مالي هون وئاعد عم رقب الجو ههههههههههه أو فاتحين ماسنجر وعم نستنى شي موعد وتأخر علينا يعني فينا نشارك شوي وئت الي منكون ما عنا شي
وشكرتن كتير على هل موضوع الحلو وعلى اهتمامك في المنتدى تقبلي مروري

بشكر مرورك رامي واهتمامك ومشاركاتك يعني بتمنى انو الكل يشارك يعني حلو الواحد يشارك ويكون عندو مشاركات ومواضيع الغير يناقشوها سوا
يسلمو كتير رامي ويلا حركو حالكون وشاركو وماترد على تمام آل شو ملتهي بالروم آل هع هع

لك والله كانك بقلبي ياوردة لانو نفس الشي الي كنت عم فكر فيه انو بجد لاحظت برود بمواضيع النت وانو الاهتمام شوي صار ئليل من الاعضاء وكتير من الاعضاء لاحظت انو ماعدت شفتلن مواضيع متل قبل
وكمان الي بيحاول انو يهتم ويحط مواضيع ومو ملاقي اهتمام من البقية رح يتراجع وشوي شوي بيتراجع الكل
وبشكرك على اهتمامك ياغالية

اي القلب على القلب مو نحنا وردات وحدة حمصيه ووحدة حلبيه فأكيد منفكر نفس الشي
تسلميلي احلى نوغايه على اهتمامك والله مايحرمنا من جديدك ياغاليه

ههههههههههههههه تمام ليش يابعدي ماشفت متلي آه والله انا مافي متلي
اي لكن عم تئول ملتهي بالروم اريضه رومات اي مشان ترضى روح حرك حالك وفوت عالمنتدى وبلا رومات واكل هوى

اول شي مرحبا للكل يلي عم شوفون ويلي الي زمان ما شفتون ولا حكيت معون

بشكر اهتمامك يا رولا بس الئصة وما فيها اني انا هالفترة مشغول كتير وما عم افضا فوت عالنت متل اول واغلب الاحيان بفتح المسنجر من الموبايل لانو ما عندي وئت انو ائعد عالجهاز وافتح نت

لهيك بتمنى انو الكل يئدر ظروفي هالفترة وبئول للكل انو حئكون عليي لانو ما عندي وئت انو رد على مواضيعكون الحلوة وبشكر كل يلي ردو على هالكم موضوع يلي انا حطيتون ويمكن في عالم زعلانين انو هنن ردو على مواضيعي انا وما رديت على مواضيعون

معكون حئ تزعلو وحئكون عليي

بس هيك الموضوع يا غاليين مو انو قلة اهتمام ولا انو اهمال او شي
الموضوع انو مشغول هالفترة شوي زيادة

ومرة تانية بشكر اهتمامك يا حمصية
وبشكر اهتمام الكل وما بظن انو متل ما ئالت رولا انو ايهم ومجوودي صحاب المنتدى لا بالعكس نحنا متلنا متل اي عضو بالمنتدى لانو المنتدى الكون كلكون
وانتو صحاب المنتدى وما صار حلو هالمنتدى الا بوجود الغاليين امثالكون فيه وبشكركون كلكون مرة تانية ومنورين منتداكم يا غالين

اي اهلييييييييييين وسهليييييييييين مجود منور المنتدى وربي
بس ييييييييييييييييييييي ماعرفتك وانت مشغول الله يعطيك العافيه يارب
ابئى خلينا نشوفك ونشوف مواضيعك الحلوين
يسلموووووو لمرورك مجود