ساعة صفا على ضوء الشموع

احكيلنا على اللى فيه

ياترى عنا مشكلة منحكيها لبعض

ممكن نقدر نحلها

أو على الأقل فالفضفضه بتريح القلب

ياترى حبيت قبل ؟؟

نحكي عن حبك الأول

يا ترى كانت ايه نتيجته ؟

وياترى مستمر ولا أصبح فى خبر كان

نحكي برياحة
يلي بدنا ممكن نحكي عن شغلنا

أو دراستك

أو اي اشي شاغله تفكيرنا

و هيك منعرف أن فى حد دايما ممكن يسمعنا

ممممممممممممم والله انك رائعة بمواضيعك وهالموضوع كتير حلو لانو إلي مامنئدر نحكيه لاهلينا هون منئدر نحكيه ونفتح قلبنا ونحكي كل إلي بدنا ياه
وكتير شي حلو انو نلتقي ونتعرف على مشاكل بعضنا حتى ولو من خلال كلمات نسمعها أو نقراها من اشخاص احببناهن من خلال قلمهم
والاحلى انو نحكي على ضوء الشموع بتوقع انو الحكي بهيك وضع رح يكون
حكي عن الحب والغرام هيك تخيلت لما قريت اسم الموضوع
بس لازم نحكي عن حالنا
شوبدي احكيلك مشكلتي الفراغ القاتل إلي عم اشغلو باي شي بس حتى لو عم ائدر احيانا ملي فراغي بحس حالي
لحالي ومابعرف على شو عم دور أو شو إلي بدي ياه
دائما بحس انو عم انتظر شي بس ماعم اعرف اذا بئدر إنا دور عليه أو ممكن يجي هالشي لحالو
هلىء ممكن يكون هاد شعوري لانو بحس بفراغ وماعندي شي يملي حياتي
بس فعلا هي ممكن تكون مشكلتي وهاد إلي حبيت احكيه
إما عن الحب الاول فما حبيت حب حقيقي لحتى سميه حب اول ولا اخير
وعن الشغل إنا فراغي جاية انو وحيدة بالبيت ومااشتغلت بعد ماخلصت دراستي
وهاد إلي خطرلي انو احكي عن حالي او مشكلتي وتقبلي مروري ياغالية

اول شي مرورك بشججع الكل انو نحكي مع بعض شوي بكتير مواضيع

يا وردة الغراغ حاولي تمليه باي وسيلة انا ما بعرف طبيعة حياتك لاحكي شي بها الموضوع بس حاولي تتناسي الغراغ

و الشي يلي عم تنظريه انت ئربي لعندوو و دوري عليه هو مش رح يجي لعندك لحالك

ما في شي بيجي لحالووو و كمان اذ اجا لحالوو مش رح يكون ئلوو لذة خلينا ندور عليه و نتعب حتى نشعر بلذة الانتصار عا الذات

والحب رح يجي يجي اذ ما اجا اليوم رح يجي بكرا او بعداا بس خلي ئلبك مفتوح

و اذ انتي حابة تشتغلي شوفي شغل بمجال دراستك ليش لحتى ما تشتغلي

الا اذ كان الوضع ما بيسمح بها الشي

تقبلي ردي