هام جدا لشباب وصبايا بلادنا؟؟؟

سمعة البنت كالزجاج اذا انكسر يصعب اصلاحه وحياتها . وكرامتها ليست ملكها , خصوصا بالمجتمعات العربية .. للفتاة حقوقها وكرامتها وانسانيتها.. فتعلمت وتفهمت ما لها وما عليها ..
الا انها في بعض الاحيان تنساق وراء كلمات معسولة من ذئب شرس كل همه ان يفتك ويفترس بعرض هذه وتلك من البنات.. متناسيا ان له أخوات وام وخالات وعمات .. والكثير من الاقارب البنات ..

ما هو مفهوم شرف الفتاة لديك ..
ما رأي الشاب الذي يغازل وفي لحظة يري اخته في نفس موقعه مع شاب اخر فتثور ثائرته ..
واذا كنت تمنع اختك من تكوين صداقة مع شاب ( يصبح عدوك لو انك عرفت ذلك عن اختك) فلماذا ؟ تقبل ذلك على نفسك؟ وكأن بنات الناس لعبة واختك فقط هي الانسانة ..
سؤال ايضا للبنات : هل تقبيلن لنفسك ان تكوني علكة في فم كل شاب يتباهى امام اصدقائه بانه يحبك !
هل تقبلين بحب رخيص حب أرقام ؟ هل حبك من أي مكالمة أو نظرة هو الحب الذي تنتظرينه ؟
هل لوعة العاطفة ولذة الحب أجبرتك لكي تخوضي التجربة ؟ .. لكن أتوقع أن لذة الحب التي تقع فيها الفتاة واعتقادها أن حبيبها غير (كأن الله خلقه خلقا آخر) مستحيل يخونها ويجعلها تعيش في أحلام لا يمكن لأي كلمات في الحياة تقنعها لأن الواقع الذي تراه في خيالها أقوى تصديقا من أي كلمة تقرئها أو تسمعها

بجد موضوع يستحق النقاش
اول شي يسلموو ايديكي الحلوة علي طرح هذا الموضوع المهم

والمفيد لكل شاب وفتاة

فعلا اختي الوردة الحمصيه هذه المشكله موجوده في كل المجتمعات الغربيه والعربيه حاليا
ولاكن هذه المشكله موجوده فينا نحنا وحلها معنا ولاكن حب الفضول دافع من الدوافع التي

تجعلنا ننساق إلى هذه الامور الدنيويه واعترف انني اكلم بنات ولاكن في طوور الحديث المحترم وعدم الدخول في الخصوصيات للطرف الاخر لكلانا شرط رئيسي,,

لانها كلها امور خاصه وهذه اعراض ناس وبالفعل ((سمعه البنت مثل الزجاجة إن انكسرت يصعب إعاده تكوينها ))

ولاكن البنت هي سيده الموقف إن كانت محترمه حتى ولو تحدثت معا ولد عن طريق نت تبقا بنت محترمه

لانني لا أرى فيها نوع من العيب إن كانت كبيره وفاهمه لأنه سوف تكلمه في حدود الأمور المعقوله على النت

وسوف يفيدها في امور قد تكون هي غير عالمه بها إن كان هو إنسان فاهم وعارف ,,,

وانا اشدد على نقطه المراهقه لان البنت عندما تكون في سن المراهقه قد يغريها الشاب الذي لديه أساليب في

خراب البنات وقد تضيع معه واول خطوه لأضياع ان تكلمه عبر الهاتف وهذه انا اعتبره خطا وبدات البنت بالإنحراف

لانه كما تعلومون صوت البنت البالغه حرمه لها ,,

وهذه الامور لا نقدر أن نحكم عليها لانها امور تختلف من شخص إلى اخر هنالك الشخص الذي يستطيع التصرف و ضبط

نفسه وهنالك من تسيطر عليه ثائرته وينجرف معها أي انه هو من يجرفها اوهو يجرفها كلاهما مكمل للاخر

وفي الخير انصح كل شاب وشابه بان ينتبهو لهذه المرحله وهي مرحله المراهقه لانه خطيره ومنها تتكون شخصه

الشخص ....

واي واحد ووحده كانوو يكلمو بعض على النت اعتقد ما فيها نوع من العيب والخراب إلى إذا خرجت عن طور اسلوب الحديث يعني تكون في حدود ديننا وطريقه كلامنا ونحاول انه الشخص يلي تعرفت عليه بانه انسان اكلمه حتى أستفيد
منه واقضي معه وقت أغفل في حدود الادب
وبإذن الله ,, الله يحفضنا ويصوننا بان لا نقع في مثل هذه المعاصي وتسلموو,,

بالتوفيق,,

موضوع حلو كتير وهوا حديث دائر كتير هالايام وقابل للمناقشة كتير
يسلمو على الموضوع الحلو والمفيد
يعني هالايام عم نشوف كتير شباب عم يضحكو على البنات باسم الحب
لانو الحب صار لعبة هالايام ووين الحب الصحيح الله اعلم
بس كمان الحق مو على الشب انو البنت الها دور انو بينضحك عليها هالايام بقلة تفكيرها وضياع عقلها بالكلام الحلو والمعسول
وشغلة اكيدة الشب إلي بيضحك على بنات العالم رح يجي يوم وينضحك عليه أو على اختو
طبعا إنا قصدت الحكي الكاذب إلي بقصد الحب والصداقة بين البنت والشب أو مو صداقة معرفة
هاد شي تاني
وتقبلي مروري ياغالية

بشكركون من كل قلبي لمروركون واعجابكون بالموضوع وهاد الي بيخلينا نعطي افضل ماعنا ونستمر الى الأمام
احلى نوغايه واغلى اسيرووو يسلمو كتير نورتو

من بعد السلام والتحية يا وردة حمص
بصراحة الموضوع مميز جدن وجريئ جدا
بس لحتى ابعد شوي عن الاجوبة الدبلوماسية
انا بصراحة شب شرقي وطبيعة شرقيتي بتفرض عليي
اني اقبل لنفسي ما لا اقبله للاخرين ( حلل الي وحرم لغيري )
بس بالمقابل ما ضل حدا غبي او غشيم بهي الايام
بالعكس صارت البنت هيي صاحبة وسيدة الموقف دائما
وانا على فكرة من الاشخاص يلي بتهمني سمعتي اكتر ما بتهم البنت سمعتها
Suspect

انا لحتى اغري بنت بكلام عسل او ئشطة وهيك شي بياخد معي وئت كتير
وبالمقابل البنت بكلمتين حلوين بتاخدني عالبحر وبترجعني عطشان
لهيك ما لازم تلومي الشب دائما
بالعكس كل اللوم عالبنت وانا مصررر على ذلك جدن جدن
Suspect

بعدين يا وردة لو انك شب ما كنتي طرحتي هيك سؤال
يخرب بيت عدوينك اشة لفة
رح اعمل جهدي افتح هالموضوع بالروم وبحضور اكبر عدد ممكن
لنشوف رد فعل الكل وبالصوت كمان
تقبلي مروري يا احلى وردة بحمص
flower

ههههههههههههههه ايهوم عيني ربك عيني ليش عم تخرب بيت عدويني حيامووو
ودخيلوووووو انا الي بتهمو سمعتو ولي على ئطاطك اي
مشكوووووووووور على مرورك اغلى ايهووووم flower

- اول شي مشكوره كتير لهي الجراة يا حمصيه

-شرف البنت بتصونو بوعيا وتفتيحا لانو البنت الها عئل واللي الله عطاه عئل ماحرمو شي

- ويلي بدو يحب بنات الناس بدو يتحمل الناس وئت يلي بيحبو اختو

- انا ما عندي اخت ولو عندي اخت اكيد ما بمنعا تعمل صداقه مع حدا او تحب حدا وحدا يحبا بس بنصحا وبساعدا وبوئفمعا وئت توئع لا سمح الله لانو نظرة الشب للشب غير نظرة البنت للشب والشب بيعرف كل اساليب الشباب يمكن لانو هو بيعملا وبيمارسا

-بالنسبه للبنت يلي بترضى تكون لعبه بين ايدين شب هي بتكون اما ساذجه او انسانه والعياز بالله من هداك النوع

-كمان ما لازم ننسى انو في بنات وحتى شباب بيتعلئو بئشه لانو بيكونو محرومين من عاطفه معينه او من حب صادق او مارين بظروف تفكك اسري متل الظلائ مثلا وضياع الاسره بيودي لهيك شغلات او احساسون بالوحده يلي بيعيشو فيا او متل ما بيئلولك ( انا محدا بيفهمني )

واعتقادها أن حبيبها غير (كأن الله خلقه خلقا آخر) مستحيل يخونها ويجعلها تعيش في أحلام لا يمكن لأي كلمات في الحياة تقنعها لأن الواقع الذي تراه في خيالها أقوى تصديقا من أي كلمة تقرئها أو تسمعها
- اما بالنسبه لهي العباره فهيي واضحه تماما لانو يلي بيحب رح يشوف حبيبو اقل من الله بمرتبه وصدقيني يا حمصيه لولا خوفي اني اكفر لئلك انو اللي منحبو هوو الله
فلهيك يلي بيحب شو ما عمل ما بينلام

كلمة اخيره : الوعي والهدوء والتأني باتخاذ قرارات الحب ومشاورة الاخرين ومصارحة الاهل ومصادقة الام السبيل الوحيد امام الفتاة الشرقيه للنجاة من مخالب الذئاب الطائشه

مشكوره على هالمضوع

يسلموووووو لمرورك تماموووو نورت صفحتي
انا ما عندي اخت ولو عندي اخت اكيد ما بمنعا تعمل صداقه مع حدا او تحب حدا وحدا يحبا عيني ربك عيني تعال بتصير أخي Wink

ولا يهمك ورده بصير اخوكي واعز انشالله

من بعد التحية والسلام
أنا بحييكي لجرئتك بطرح هيك موضووع حساس شوي وخاصتن بمجتمع شرقي
مناقشة هيك مواضيع بحد ذاتها فيها نوع من الخووووووووف والترررررردد
على كلن أنا رائيي أنو حكيك صحيح وبينفع بس اكيد مو بهي أيام يعني يمكن من 20 سنة
بس هلئ على قولة أيهووووووووووم بضل حدى غشيم ومافهمان يعني صار الشب يمكن بيحسب ألف حساب قبل مايسمع البنت كلمة أو يتغزل فيها بمكان عام
يعني الخوف أنو نوصل لايام الشب يبطل يمشي بالطريق لوحدو ههههههههه
بس شكررررن لطرحك لهل الموضوع وبتمنى تكون وصليتك الفكرة يلي عم بحكيها